„ქართული ოცნების“ პრობლემა არც ვაშაძეა და არც აბდაუბდა კაცი სააკაშვილი, მათი პრობლემაა სისტემური მანკიერება - ამის შესახებ პოლიტოლოგმა გია ხუხაშვილმა ტელეკომოპანია „პირველის“ ეთერში განაცხადა.
ხუხაშვილმა ბილბორდების თემაზე საუბრისას აღნიშნა, რომ სიბრიყვე ოყო რომ ამბობდნენ დამოუკიდებელ კანდიდატს უჭერდნენ მხარს.
„ყველამ იცის რომ სალომე ზურაბიშვილი იყო ერთ-ერთი თავდგადაკლული პროპაგანდისტი „ქართული ოცნების“. თავიდანვე ფარსი დადგეს, მის დამოუკიდებლობასთან დაკავშირებით. ახლა სტატუს-კვო აღადგინეს. აღიარეს რომ ეს არის „ქართული ოცნების“ განუყოფელლი ნაწილი და რატომღაც ისევ ხალხისკენ იშვერენ ხელს, რომ თურმე ჩვენ ვერ გავერკვიეთ სალომე ზურაბიშვილისა და მათ დამოკიდებულებებში. თვითონვე შექმნეს აბსურდი, ახლა ამ აბსურდზე თავად თქვეს უარი და ახალ აბსურდში გადავიდნენ. მათ არ უნდათ რეალურ პრობლემას გაუსწორონ თვალი და რეალური პრობლემა არის ის რომ „ქართულ ოცნებას“ საზოგადოებასდთან ურთიერთობაში აქვს პრობლემა. მათი პრობლემა არც ვაშაძეა და არც აბდაუბდა კაცი მიხეილ სააკაშვილი, მათი პრობლემაა სისტემური მანკიერება“, - განაცხადა ხუხაშვილმა და აღნიშნა, რომ ახალი სტრატეგიით დამატებითი ხმების მოზიდვაზე საუბარი, არასერიოზულია.
„ახალი სტრატეგიით დამატებითი ხმების მოზიდვაზე საუბარი, არასერიოზულია. როგორც ჩანს, დასხდნენ მაგიდასტან მიზეზების ანალილზი დაიწყეს, ისევ და ისევ მათ არ გახედეს ამ პროცესს თვითკრიტიკულად, პრობლემა რეალურად ვაშაძე და „ნაციონალური მოძრაობა“ კი არ არის, პრობლემა არის ქართულ ოცნებაში ჩაბუდებული მანკიერება და ისევ დაიწყეს პრობლემის გარეთ ძებნა. აღმოაჩნეს პრობლემა - თურმე ხალხს ვერ გაუგია, რომ სალომე ზურაბიშვილი უდრის ქართულ ოცნებას, რაც სრული სისულელეა და სიბრიყვეა. ყველას კარგად ესმის, თვითონაც კარგად ესმით, მაგრამ საკუთარ შვილს ხომ არ მოჭრიდნენ თავს და ადგნენ და დააბრალეს არარსებულ ფაქტორს“, - განაცხადა ხუხაშვილმა.