თარიღი    დრო

მმართველი გუნდი გამუდმებით ცდილობს ზურაბიშვილის გენდერული დისკირმინაციის მსხვერპლად წარმოჩენას - NGO-ები

საქართველო, თბილისი - 12:55 11.16.2018 280

აღსანიშნავია, რომ 2018 წლის საპრეზიდენტო არჩევნების წინასაარჩევნო კამპანია როგორც პირველ, ასევე მეორე ტურში ხასიათდება განსაკუთრებით დაბალი პოლიტიკური კულტურით, რაც გამოიხატება, ერთი მხრივ, საკითხებზე არაორიენტირებული კამპანიებითა და, მეორე მხრივ, პირადი ხასიათის თავდასხმებით. თუმცა დღემდე გენდერული ნიშნით დისკრიმინაციული საარჩევნო კამპანია ადგილობრივი და საერთაშორისო სადამკვირვებლო მისიების და არც დამოუკიდებელი მედია მონიტორინგის ანგარიშებში არ დაფიქსირებულა, გარდა ცალკეული პოლიტიკური ლიდერების მხრიდან (მიხეილ სააკაშვილი, შალვა ნათელაშვილი) გაკეთებული რამდენიმე სექსისტური გამონათქვამისა. ხაზგასასმელია, რომ აღნიშნულ განცხადებებს არ მიუღია კამპანიური ხასიათი და არ გამხდარა საზოგადოებრივი განხილვის საგანი, - ამის შესახებ ქალთა უფლებებზე მომუშავე არასამთავრობო ორგანიზაციების ერთობლივ განცხადებაშია აღნიშნული.

როგორც განცხადებაში წერია, მმართველი პოლიტიკური გუნდი გამუდმებით ცდილობს მათ მიერ მხარდაჭერილი ქალი კანდიდატის გენდერული დისკირმინაციის მსხვერპლად წარმოჩენას კონკრეტულ ფაქტებზე მითითების გარეშე. მათი თქმით, მსგავსი მიდგომა, განსაკუთებით კი მმართველი გუნდის გადაწყვეტილება, გაექრო მის მიერ მხარდაჭერილი ქალი კანდიდატი არჩევნების მეორე ტურის კამპანიიდან და სარეკლამო ბილბორდებზეც კი ჩაენაცვლებინა იგი კაცი პოლიტიკოსებით, აზიანებს გენდერული თანასწორობის იდეას და კიდევ უფრო ხელს უწყობს ქალი პოლიტიკოსების მარგინალიზაციას.

"ქალთა პოლიტიკაში მონაწილეობა ქვეყნის დემოკრატიული განვითარების ერთერთი მნიშვნელოვანი წინაპირობაა. ქალთა მოძრაობა და სხვა სამოქალაქო ორგანიზაციები არაერთი წელია იბრძვიან ქალთა პოლიტიკაში მონაწილეობის გაზრდისთვის, მათ შორის, გენდერული კვოტის ადვოკატირებით. სამწუხაროა, რომ ექვსი წლის განმავლობაში არაერთგზის ინიცირებული კვოტების კანონპროექტს ხელისუფლებამ მხარი არ დაუჭირა.

ამასთან, მნიშვნელოვანია, საარჩევნო პროგრამებში ქალების პრობლემების ასახვა და შესაბამისი დისკუსია. ამ მიზნით, ქალთა მოძრაობამ და ქალთა პოლიტიკური მონაწილეობის სამუშაო ჯგუფმა 2018 წლის 4 ოქტომბერს მოაწყო საპრეზიდენტო კანდიდატების დებატები გენდერული თანასწორობის საკითხებზე. მოწვეული ხუთი კანდიდატიდან შეხვედრაში მონაწილეობა მიიღო მხოლოდ ორმა და აქედან არც ერთი არ იყო არჩევნების მეორე ტურში გადასული საპრეზიდენტო კანდიდატი. განსაკუთრებული იმედგაცრუება გამოიწვია ხელისუფლების მიერ მხარდაჭერილი ქალი კანდიდატის არმოსვლამ ორგანიზატორების მხრიდან მრავალჯერადი მოწვევისა და ალტერნატიურლი თარიღის შეთავაზების მიუხედავად.

ქალთა მოძრაობა და სადამკვირვებლო ორგანიზაციები განსაკუთრებული ყურადღებით აკვირდებოდნენ საპრეზიდენტო არჩევნების კამპანიას გენდერული ნიშნით დისკრიმინაციისა და სექსიზმის გამოვლენის მიზნით, ვინაიდან საპრეზიდენტო არჩევნების პირველ ტურში კენჭს ორი ქალი იყრიდა.

აღსანიშნავია, რომ 2018 წლის საპრეზიდენტო არჩევნების წინასაარჩევნო კამპანია როგორც პირველ, ასევე მეორე ტურში ხასიათდება განსაკუთრებით დაბალი პოლიტიკური კულტურით, რაც გამოიხატება, ერთი მხრივ, საკითხებზე არაორიენტირებული კამპანიებითა და, მეორე მხრივ, პირადი ხასიათის თავდასხმებით. თუმცა დღემდე გენდერული ნიშნით დისკრიმინაციული საარჩევნო კამპანია ადგილობრივი და საერთაშორისო სადამკვირვებლო მისიების და არც დამოუკიდებელი მედია მონიტორინგის ანგარიშებში არ დაფიქსირებულა, გარდა ცალკეული პოლიტიკური ლიდერების მხრიდან (მიხეილ სააკაშვილი, შალვა ნათელაშვილი) გაკეთებული რამდენიმე სექსისტური გამონათქვამისა. ხაზგასასმელია, რომ აღნიშნულ განცხადებებს არ მიუღია კამპანიური ხასიათი და არ გამხდარა საზოგადოებრივი განხილვის საგანი.

ამის მიუხედავად, მმართველი პოლიტიკური გუნდი გამუდმებით ცდილობს მათ მიერ მხარდაჭერილი ქალი კანდიდატის გენდერული დისკირმინაციის მსხვერპლად წარმოჩენას კონკრეტულ ფაქტებზე მითითების გარეშე. მსგავსი მიდგომა, განსაკუთებით კი მმართველი გუნდის გადაწყვეტილება, გაექრო მის მიერ მხარდაჭერილი ქალი კანდიდატი არჩევნების მეორე ტურის კამპანიიდან და სარეკლამო ბილბორდებზეც კი ჩაენაცვლებინა იგი კაცი პოლიტიკოსებით, აზიანებს გენდერული თანასწორობის იდეას და კიდევ უფრო ხელს უწყობს ქალი პოლიტიკოსების მარგინალიზაციას.

მოვუწოდებთ არჩევნებში ჩართულ ყველა მხარეს, ხაზგასმით კი მმართველ პოლიტიკურ ძალას ,,ქართულ ოცნებას’’, გამოიჩინოს მეტი გენდერული მგრძნობელობა, არ წარმოაჩინოს სალომე ზურაბიშვილი მსხვერპლად, კაცებთან შედარებით სუსტ პოლიტიკოსად და არ გაამყაროს გენდერული სტერეოტიპი ქალი პოლიტიკოსების მიმართ. მსგავსი რიტორიკა აზიანებს ზოგადად საარჩევნო გარემოს და კიდევ უფრო აფერხებს ქალების პოლიტიკაში აქტიურ მონაწილეობას", - ნათქვამია განცხადებაში.

განცხადებას ხელს აწერენ:

ქალთა მოძრაობა
საფარი
ქალთა მზერა
ადამიანის უფლებათა ცენტრი
ახალგაზრდა მწვანეები
თანასწორობის მოძრაობა
ოჯახები დისკრიმინაციის წინააღმდეგ
ქალები საერთო მომავლისათვის

 




Tavdacva

ყველა სიახლის ნახვა...

sazogadoeba

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.4%
შემცირდა 11.7%
არ შეცვლილა 2.9%