პარლამენტში მინისტრები მოდიან და მოვლენ, მათ შორის ძალოვანი უწყების მინისტრებიც, მაგრამ არა სპექტაკლებისთვის და შოუების გასამართად, არამედ იმისთვის, რომ კითხვებზე პასუხები ჰქონდეთ, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ პარლამეტში ძალოვანი უწყების მინისტრების პარლამენტში დაბარებასთან დაკავშირებით განაცხადა.
მისი თქმით, მინისტრები პერსონალურად ბატონ კახიძეს ან ბატონ გოცირიძეს ვერ ეწვევიან.
"2012 წლის დეკემბრიდან დავასრულეთ ეტაპი, როდესაც მინისტრები არ დადიოდნენ პარლამენტში და ისინი თავად იბარებდნენ პარლამენტის წევრებს. 2013 წლიდან დავიწყეთ საპარლამენტო კონტროლის განხორციელება და ნურავინ შექმნის იმის ილუზიას, რომ მინისტრების პარლამენტში დაბარება უცხო ხილია. პარლამენტში მინისტრები მოდიან და მოვლენ, მათ შორის ძალოვანი უწყების მინისტრებიც, მაგრამ არა სპექტაკლებისთვის და შოუების გასამართად, არამედ იმისთვის, რომ კითხვებზე პასუხები ჰქონდეთ. პერსონალურად ბატონ კახიძეს ან ბატონ გოცირიძეს ვერ ეწვევიან. ისინი მოდიან პარლამენტში", - განაცხადა ეკა ბესელიამ.
