თბილისის საქალაქო სასამართლოში, დიდი ოდენობით ნარკოტიკული საშუალებების უკანონოდ შეძენა-შენახვისა და ორგანიზებული ჯგუფის მიერ საქართველოში უკანონოდ შემოტანის საქმეზე, რომელზეც მსახიობი გიორგი გიორგანაშვილი, იგივე ბახალა და ირაკლი ქორიძე არიან ბრალდებულები, რეანიმობილის მძღოლი, პეტრე ჩიტაშვილი დაკითხეს.
ჩიტაშვილმა თავის ჩვენებაში ისაუბრა, რეანომობილით თურქეთში თუ როგორ ჩაიყვანა და ასევე, უკან წამოიყვანა რამდენიმე პირი, მათ შორის საქმეზე უკვე მსჯავრდებული ჯაბა ხულორდავა. მოწმის განმარტებით, რეანომობილი თბილისში შემოსვლისას გააჩერეს და ნარკოტიკული ნივთიერებები ამოიღეს.
„როდესაც თბილისოს შემოსასვლელში გაგვაჩერეს, ავტომობილიდან ნარკოტიკული ნივთიერება ჯაბა ხულორდავამ თავად ამოიღო და თქვა, რომ მან ჩადო ეს ნივთიერებები ავტომობილში", - განაცხადა მან.
შემდეგი სასამართლო სხდომა 25 ოქტომბერს 10:00 საათზე ჩაინიშნა.