ბუტა რობაქიძის მკვლელობის საქმეზე თბილისის საქალაქო სასამართლოში შსს-ს ყოფილ მაღალჩინოსანს, ზურა მიქაძეს კითხავენ.
როგორც მან პროცესზე განმარტა, მასზე გამომძიებლების მხრიდან ფსიქოლოგიურ და ფიზიკურ ზეწოლას ჰქონდა ადგილი.
"თუ გინდა გარეთ დარჩე, თუ გინდა ის გზა არ გაიარო რა გზასაც პატიმრები გადიან, ჩვენს ვერსიაზე წამოდიო, მითხრა გამომძიებელმა გერგედავამ. ეს არ არის ზეწოლა?", - განაცხადა მიქაძემ.
მისი განმარტებით, გამომძიებელმა მისი ადვოკატის მისამართით სკამი ისროლა.
ცნობისთვის, ბუტა რობაქიძის მკვლელობის საქმეზე შინაგან საქმეთა სამინისტროს ყოფილი მაღალჩინოსნების მხრიდან სამსახურეობრივი უფლებამოსილების გადამეტების
საქმეზე ბრალდებულია 6 პირი: გურამ დონაძე, ზაზა ბაქრაძე, ზურა მიქაძე, ლევან გვაზავა, ირაკლი ფირცხალავა და დავით იაშვილი.
ერთ-ერთი ბრალდებული, კრიმინალური პოლიციის ყოფილი უფროსი, ზაზა ბაქრაძე, რომელიც თბილისის საერთაშორისო აეროპორტში 28 თებერვალს დააკავეს, 30 მარტს, 5 000 ლარიანი გირაოს სანაცვლოდ სხდომათა დარბაზიდან გაათავისუფლეს.