თარიღი    დრო

როცა გამოძიება მტკიცებულებებს მოიპოვებს, არავის აქვს უფლება, შემოინახოს და კალენდარს დაელოდოს - ბესელია

საქართველო, თბილისი - 16:29 10.17.2018 202

როცა გამოძიება მტკიცებულებებს მოიპოვებს, არავის აქვს უფლება, მტკიცებულებები შემოინახოს და კალენდარს დაელოდოს - საუბარია ისეთ მძიმე დანაშაულზე, რაც არც ერთმა პოლიტიკურმა კალენდარმა არ უნდა გააჩეროს, - ამის შესახებ პარლამენტის იურიდიულ საკითხთა კომიტეტის თავმჯდომარე ეკა ბესელიამ ბადრი პატარკაციშვილის საქმის გახსნასთან დაკავშირებით განაცხადა.

მისი თქმით, საქმის გახსნას ზუსტად იმდენი წელი დასჭირდა, რამდენიც საჭირო იყო მტკიცებულებების მოპოვებისთვის. 

"მახსოვს, როცა 2007 წელს პოლიტიკური დაძაბულობა პიკს აღწევდა. მახსოვს იმ პერიოდში ბადრი პატარკაციშვილის როლი და ძალიან სახიფათო ინფორმაციები, რაც მაშინ ვრცელდებოდა. გასაკვირი და გასაოცარი არაფერია იმაში, რომ ასეთი ფაქტი შეიძლება მომხდარიყო. შთაბეჭდილება მხოლოდ ამ ჩანაწერებითა და საუბრით არ მექმნება. ჩვენ მაშინაც მოგვდიოდა ინფორმაციები, რომ ბადრი პატარკაციშვილის მკვლელობა მზადდებოდა და ამის თაობაზე საჯარო განცხადებებიც კეთდებოდა. ამ ფაქტში უშუალოდ ვინ არის მხილებული და ვის რა როლი მიუძღვის, ამას გამოძიება იტყვის. როცა საუბარია, რომ შესაძლოა ბრალდებულ პირებს შორის ქვეყნის ყოფილი პრეზიდენტი იყოს, ამაზე უფრო მძიმე არაფერია. ჩვენ რომ “მასტერას“ პერიოდში ვცხოვრობდით და ქვეყნის სათავეში მართლაც მკვლელები იყვნენ, ეს ახალი ამბავი არ არის. საქმის გახსნას ზუსტად იმდენი წელი დასჭირდა, რამდენიც საჭირო იყო მტკიცებულებების მოპოვებისთვის. მოვუწოდებ სამართალდამცავ ორგანოებს, რომ ყველა დანაშაული, რაც კი ჩადენილია, ბოლომდე არის მისაყვანი და ყველა ბრალეული პირი არის გამოსააშკარავებელი, რადგან როგორც ჩანს, ამის გარეშე ქვეყანაში ვითარება ვერ მშვიდდება და უსამართლობის და დაუსჯელობის განცდა რჩება“, - განაცხადა ეკა ბესელიამ.

ცნობისთვის, პროკურატურის ინფორმაციით, ბადრი პატარკაციშვილის მკვლელობის მომზადების ფაქტი გახსნილია.




Tavdacva

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.7%
შემცირდა 11.5%
არ შეცვლილა 2.9%