ვიტყვი, რომ მაქვს ვანოზე ჩანაწერები, ვიბაზრებ, რომ ყველა გახმაურებული საქმე, ოცნებამ რომ ქულები დაიწერა - თეთრაძე, ნავთლუღი, ქურდები - ტყუილით აგიყირავებთ, - ამის შესახებ სავარაუდოდ, მირზა სუბელიანი საქართველოს მთავარი პროკურატურის მიერ გავრცელებული ჩანაწერში "ქართული ოცნების" დეპუტატ ვიქტორ ჯაფარიძეს ეუბნება.
სუბელიანი ჩანაწერში ამბობს, რომ ის ყველაფერზეა წამსვლელი.
„მაგათ გადაეცი ვიღაცა გამოყლევებული არ ვარ და ეს კაცი თავს დაიცავს-თქო. როგორ და დაინტერესდნენ მაგით. როგორ და ყველაფერს ვიტყვი. ვიტყვი, რომ მაქვს ვანოზე ჩანაწერები, ვიბაზრებ, რომ ყველა გახმაურებული საქმეები, ოცნებამ რომ ქულები დაიწერა: თეთრაძე, ნავთლუღი, ქურდები - ტყუილით აგიყირავებთ. მკიდია რა... იმასაც ვიტყვი, რომ დაზღვეული მაქვს საზღვარგარეთ... ყველაფერზე წამსვლელი ვარ. რომ დავანგრევ საქმეებს, მერე ნახონ... ბიჭო, კუთხეში მიმწყვდეულ კაცს ვერაფერს ვერ მომთხოვენ, ვერც ღირსებას, ვერც ნამუსს და რაც აქამდე მომიტანია, იმაზეც მადლობა თქვან“, - ამბობს, სავარაუდოდ, სუბელიანი.
სავარაუდოდ, ჯაფარიძის კითხვაზე - მართლა აქვს ეს ჩანაწერები თუ იტყუება, სუბელიანი პასუხობს, რომ „კი, უკვე მკიდია რას ვიტყვი, ხო, ვიტყუები და მაქვს“.
„მერე მაგათმა ამტკიცონ რომ ტყუილი ვთქვი, ხალხი ხომ დაიჯერებს? სარალიძისგან იჯერებს და... ხალხს ხომ ჰგონია რომ მაქვს, ხო და გამოვალ და ვიტყვი და დაიჯერებენ. მერე მაგათმა იმართლონ თავი, რომ ვიტყუები და არ მაქვს... ხალხი ხომ არ დაიჯერებს მაგათ ლაპარაკს... გადამრიეს უკვე რა.. .ყველანაირ სიბინძურეზე მიდიან ჩემზე. ჩემს ოჯახს და ბავშვებს რას ერჩიან? ეგრე არ არის, ძმაო, ჩემი და ჩემი ოჯახის ცხოვრების დანგრევა. ხო და მეც ვიტყვი, რომ ბევრი რამე მაქვს და მერე არკვიონ რა მაქ და რა არის სიმართლე და ტყუილი“, - ამბობს ჩანაწერში სავარაუდოდ, სუბელიანი, რაზეც ჯაფარიძე პასუხობს: „ტყუილი რატომ უნდა თქვა?! სვანები ვართ და ტყუილის ლაპარაკი არ გვეკადრება“.
