"ქართული ოცნების" წევრი ვიქტორ ჯაფარიძე ადასტურებს, რომ ციხეში მირზა სუბელიანთან იმყოფებოდა.
როგორც "ტვ პირველისთვის" მიცემულ სატელოფონო ინტერვიუში ჯაფარიძე ამბობს, მან მინისტრებს მირზა სუბელიანის დანაბარები გადასცა
"რამდენიმეჯერ ვიყავი მანდ შესული. პატიმრის დაჟინებული მოთხოვნით და ოჯახის თხოვნით, მასთან შევედი ციხეში. მე ვარ პარლამენტის წევრი, ვარ სვანი, ვიცნობთ ერთმანეთს და ამიტომ მთხოვეს რომ შევსულიყავი. მოითხოვა და რა უფლება მქონდა რომ არ შევსულიყავი. გიორგი გახარიას და სხვა მინისტრებს, როგორც პარლამენტის წევრი ვხვდები, მიწევს. მინისტრებს მირზას დანაბარები გადავეცი,რამე შეღავათს ითხოვდა, რომ ბევრი დამსახურება მაქვს და გაუბედურებული ვარო. არასერიოზულად მივიჩნიე მირზას ნასაუბრები, მასზე რეაგირება არ გამიკეთბია, არასერიოზულად მივიღე. ეგ არის საინტერესო, როგორ მოხდა რომ პარლამენტის წევრი შევედი ციხეში და ეს ჩაიწერეს", - ამბობს ჯაფარიძე.
ცნობისთვის, რ2-ის მიერ გავრცელებული ჩანაწერი გლდანის #8 სასჯელაღსრულების დაწესებულებაშია გაკეთებული, რომელშიც სავარაუდოდ, პროკურატურის ყოფილი მაღალჩინოსანი, მირზა სუბელიანი საუბრობს. ჩანაწერის მიხედვით, სუბელიანთან საკანში იმყოფებიან „ქართული ოცნების“ დეპუტატი ვიქტორ ჯაფარიძე და ლტოლვილთა სამინისტროს ყოფილი მაღალჩინოსანი, გენერალური ინსპექციის ყოფილი თანამშრომელი დათო ცუხიშვილი.