სალომე ზურაბიშვილი მართლაც ღირსეული კანდიდატია, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილი საგარეჯოში ამომრჩეველთან შეხვედრაზე განაცხადა.
მისი თქმით, სალომე ზურაბიშვილი ისეთია, როგორსაც ჩვენი ქვეყანა იმსახურებს.
"სალომე ზურაბიშვილი მართლაც ღირსეული კანდიდატია. ისეთია, როგორსაც ჩვენი ქვეყანა იმსახურებს, შეძლებს ღირსეულად წარმოადგინოს საქართველო სხვადასხვა საერთაშორისო ასპარეზზე და შეასრულოს ის როლი, რომელიც პრეზიდენტს გააჩნია, იყოს ქვეყნის გამაერთიანებელი, იყოს აპოლიტიკური, არ იყოს ერთი კონკრეტული ძალის წარმომადგენელი, იყოს ყველას პრეზიდენტი. ქალბატონი სალომე ასეთი კანდიდატია და ყველას გთხოვდით, რომ მას მხარი დავუჭიროთ“, - განაცხადა დავითაშვილმა.