ლანჩხუთის კოლორიტისთვის ამ ბრალის დამტკიცება რეალურად გაუჭირდება გამოძიებას , - ამის შესახებ "ძალა ერთობაშიას" გურიის რეგიონალური ორგანიზაციის ხელმძღვანელმა ლევან ხაბეიშვილმა სამედიცინო რეგულირების ყოფილი ხელმძღვანელის, გია თვალავაძის დაკავებასთან დაკავშირებით განაცხადა.
მისი თქმით, ნაცვლად იმისა ხელისუფლება რეალურად ებრძოდეს კორუფციას, დაკავებულია სკანდალური თემების გადაფარვით.
"ლევენ ყიფიანის, უჩა მამაცაშვილის, ანზორ ჩუბინიძის, ბიძინა ივანიშვილიზე გამოძიების დაწყების ნაცვლად ვხედავთ, რომ დაკავებული არიან პოლიტიკური შურისძიებით. ლანჩხუთის კოლორიტისთვის ამ ბრალის დამტკიცება რეალურად გაუჭირდება გამოძიებას ხოლო რეალური დამნაშავეები ნარკობარონები, თაღლითები, რეკეტიორები კი თავისუფლად გადაადგილდებიან. მეტიც ისინი მართავენ ქვეყანას და ძარცვავენ ბიუჯეტს", - განაცხადა ხაბეიშვილმა.
ცნობისთვის, სააფთიაქო ნარკომანიის საქმეზე დაკავებულ 6 პირს, მათ შორის, ჯანდაცვის სამინისტროს სსიპ სამედიცინო საქმიანობის სახელმწიფო რეგულირების სააგენტოს ყოფილ უფროსს გია თვალავაძეს აღკვეთის ღონისძიების სახით პატიმრობა შეეფარდა.