სააფთიაქო ნარკომანიის საქმეზე დაკავებულ 6 პირს, მათ შორის, ჯანდაცვის სამინისტროს სსიპ სამედიცინო საქმიანობის სახელმწიფო რეგულირების სააგენტოს უფროსს გია თვალავაძეს აღკვეთის ღონისძიების სახით პატიმრობა შეეფარდა.
ერთ-ერთი ბრალდებულის, ნათელა მამულაშვილის მიმართ საპატიმრო ღონისძიების გამოყენებას პროტესტი მოჰყვა თავად ბრალდებულის მხრიდან.
"რატომ მაპატიმრებთ, რატომ?" თავა მოვიკლავ და ეს თვქენზე იყოს", - ამ სიტყვით მიმართ ბრალდებულმა მოსამართლეს.
შეგახსენებთ, რომ სუს-მა ე.წ. სააფთიაქო ნარკომანიის სფეროში ფსიქოტროპული საშუალებების უკანონო ბრუნვის საქმეზე სამსახურებრივი უფლებამოსილების ბოროტად გამოყენების ფაქტზე ჯანდაცვის სამინისტროს სსიპ სამედიცინო საქმიანობის სახელმწიფო რეგულირების სააგენტოს უფროსი გია თვალავაძე დააკავა. ასევე, ბრალდებულის სახით დაკავებულები არიან უკანონო სამეწარმეო საქმიანობაში ჩართული კიდევ 5 პირი.