აგრესიის კანალიზაცია ხდება ფიზიკური აღზრდითა და ვარჯიშით, - ამის შესახებ პრეზიდენტობის დამოუკიდებელმა კანდიდატმა სალომე ზურაბიშვილმა განაცხადა.
მისი თქმით, სკოლებში ფიზიკურ აღზრდასა და ვარჯიშს მეტი დატვირთვა უნდა ჰქონდეს.
"ერთი ნაწილი იმ აგრესიის, რაც არსებობს ახალგაზრდებში და დღევანდელ მსოფლიოში, სამწუხაროდ, ეს არის მოცემულობა და არა მხოლოდ ჩვენთან, რომ ეს აგრესია იზრდება, ერთ-ერთი ამ აგრესიის კანალიზაცია ხდება სწორედ ამ ფიზიკური აღზრდით და ვარჯიშით და ჩვენ ამას მეტი დატვირთა უნდა მივცეთ ყველა სკოლებში", - განაცხადა ზურაბიშვილმა.
