მაგრამ მე მგონი ფსიხო უნდა წარმოადგინონ ადამიანებმა, რომლებიც ამ თუ იმ პოლიტიკურ თანამდებობაზე ინიშნებიან, - ამის შესახებ დეკანოზმა დავით ლასურაშვილმა მარიხუანას კულტივაციასთან დაკავშირებით განაცხადა.
მისი თქმით, ტრაგედიაა, როცა საქართველოში საუბარი მიდის იმაზე, რომ მარიხუანას და მსგავსი ნივთიერებების კულტივაცია შეიძლება თუ არა.
მისივე განცხადებით, არათუ რომელიმე კონკრეტული პრეზიდენტობის კანდიდატი, ვერავინ იტყვის და კანონში ვერასდროს ჩაწერს, რომ რომელიმე ადამიანს, თუნდაც სასულიერო პირს ეკრძალებოდეს რაიმე თემაზე საკუთარი აზრის გამოხატვა.
"ის, რომ ჩვენ რეაქცია არ გვქონდეს, ამას ვერ მოესწრებიან. თუკი მათ გონიერება და სულიერება ეყოფათ ეკლესიას დაუჯერონ, უნდა გაიწვიონ კანონპროექტი. თუ არ გაიწვევენ, ვიმოქმედებთ ისე, როგორც აქამდე, მიუხედავად იმისა, რამდენად მოეწონება მმართველ გუნდს და მის საპრეზიდენტო კანდიდატს.
ჩვენ რომ ვიყავით საკომიტეტო მოსმენაზე, მეორე დღეს მინისტრის მოადგილე ქალბატონმა განაცხადა, რომ კულტივაციაში ცუდი არაფერია. მთელი დღეს გვისმენდნენ. უკაცრავად, მაგრამ მე მგონი ფსიხო უნდა წარმოადგინონ ადამიანებმა, რომლებიც ამ თუ იმ პოლიტიკურ თანამდებობაზე ინიშნებიან. სხვა შთაბეჭდილება არ გვრჩება", - განაცხადა ლასურაშვილმა.