გაჩერებულია ეს პროცესი, მე მგონია, რომ ამ თემის გააქტიურების ხელახალი მცდელობა თქვენი მედიასაშუალების მხრიდან არ იქნება რელევანტური და სწორი, - ასე მიმართა პარლამენტის იურიდიულ საკითხთა კომიტეტის თავმჯდომარე ეკა ბესელიამ "რუსთავი 2"-ის ჟურნალისტს მარიხუანას კულტივაციასთან დაკავშირებით დასმული კითხვის საპასუხოდ.
მისი თქმით, ეს პროცესი შეჩერდა.
"ეს პროცესი შეჩერდა. ჩვენ არ ვაპირებთ ამ პროცესის დაწყებას ან გაგრძელებას. არ ვაპირებთ ამ პროცესის გააქტიურებას და განხილვები არ არის დაგეგმილი ამ პროექტთან დაკავშირებით", - განაცხადა ბესელიამ.
რაც შეეხება კანონპროექტის გაწვევას, ბესელიამ განაცხადა, რომ ეს საკითხი საბოლოოდ შეჯერდება იმ ავტორებთან და ინიციატორებთან ერთად, ვინც დოკუმენტი მოამზადა.
