მალხაზ მაჩალიკაშვილი შვილის მკვლელობაში მონაწილე პირების დასჯას ითხოვს და ორი კვირაა თბილისში, პარლამენტის წინ აქციას მართავს, არავის ეგონოს, რომ გლოვა დამთავრდა, - განაცხადა თემირლან მაჩალიკაშვილის დამ, ნატა მაჩალიკაშვილმა.
ის პანკისში, ახლობლებთან და ადგილობრივებთან ერთად სოფელ დუისის სასაფლაოსთანაა და პანკისობასთან დაკავშირებით დაგეგმილი ღონისძიების გაუქმებას ითხოვს.
"ამ ღონისძიებებით უნდათ მოგვისყიდონ. აქვე საფლავთან ატარებენ ამხელა ღონისძიებას, მაშინ, როდესაც საქმე გამოძიებული არ არის და ჩემი ძმის მკვლელები თავისუფლად დადიან. მოვითხოვთ, არ ჩატარდეს პანკისობასთან დაკავშირებული ღონისძიებები“, - აცხადებს მაჩალიკაშვილი.
