თარიღი    დრო

ჩვენი მოლოდინით, ორივე ბრალდებული გამტყუნებული იქნება - მოზარდების მკვლელობის საქმის პროკურორი

საქართველო, თბილისი - 17:02 09.20.2018 222

ბუნებრივია, ბრალდების მხარეს აქვს მოლოდინი, რომ ორივე ბრალდებული გამტყუნებული იქნება იმ ბრალდებაში, რომელიც ბრალდების მხარემ წარუდგინა მათ პირველი ინსტანციის სასამართლოში. რა პოზიციაც პირველი ინსტანციის სასამართლოში გვქონდა, პრაქტიკულად, დადასტურებული იქნება, - განაცხადა ხორავას ქუჩაზე მოზარდების მკვლელობის საქმის პროკურორმა, თორნიკე ნადირაძემ.

როგორც ის განმარტავს, ბრალდების მხარემ, სასამართლოში საქმეში არსებული ახალი მტკიცებულებები წარადგინა.

„ბრალდების მხარემ წარმოადგინა ახალი მტკიცებულებები, მათ შორის, საპროცესო დოკუმენტები. ასევე, მოვითხოვთ, კონკრეტულ პირთა დაკითხვას სასამართლო პროცესზე. აქედან გამომდინარე, ჩვენ გვაქვს მოლოდინი, რომ ნათელი მოეფინება ბევრ მნიშვნელოვან გარემოებას“, - დასძენს ნადირაძე.

შეგახსენებთ, რომ 2018 წლის 31 მაისს, თბილისის საქალაქო სასამართლომ გამამტყუნებელი განაჩენი დაადგინა ხორავას ქუჩაზე მომხდარ არასრულწლოვანთა მკვლელობის საქმეზე ბრალდებული ორივე პირის  მიმართ. კერძოდ, დამნაშავისათვის წინასწარი შეცნობით, არასრულწლოვნის განზრახ მკვლელობისათვის და მკვლელობის მცდელობისათვის სასამართლომ არასრულწლოვანი ბრალდებულები დამნაშავედ ცნო. 

სასამართლოს გამამტყუნებელი განაჩენით გ.ბ. ცნობილი იქნა დამნაშავედ დამამძიმებელ გარემოებაში  - წინასწარი შეცნობით არასრუწლოვან ლევან დადუნაშვილის განზრახ მკვლელობაში, ხოლო, გ.ჯ. ცნობილი იქნა დამნაშავედ დამამძიმებელ გარემოებაში - წინასწარი შეცნობით არასრუწლოვან დავით სარალიძის განზრახ მკვლელობის მცდელობაში. 

ამავე განაჩენით, წარდგენილ ბრალდებაში  გ.ბ. , გ.ჯ.-სთან ერთად  უდანაშაულოდ იქნა ცნობილი დავით სარალიძის ჯგუფურ მკვლელობაში, ხოლო გ.ჯ მიერ ჩადენილი დანაშაული სასამართლოს მიერ დაკვალიფიცირდა როგორც დავით სარალიძის მკველობის მცდელობა დამაძიმებელ გარემოებაში.

სასამართლომ  სასჯელის დანიშვნის სხდომაზე, არასრულწლოვან მსჯავრდებულ გ.ბ.-ს სასჯელის სახედ და ზომად თავისუფლების აღკვეთა 14 წლის ვადით, ხოლო არასრულწლოვან მსჯავრდებულ გ.ჯ.-ს თავისუფლების აღკვეთა 13 წლის ვადით განუსაზღვრა.

არასრულწლოვანთა მართლმსაჯულების კოდექსის შესაბამისად, დანიშნული სასჯელი შემცირდა ერთი მეოთხედით და საბოლოოდ, მსჯავრდებულ გ.ბ.-ს 10 წლისა და 6 თვის ვადით, ხოლო მსჯავრდებულ გ.ჯ.-ს 9 წლისა და 9 თვის ვადით თავისუფლების აღკვეთა განესაზღვრათ.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.5%
შემცირდა 11.6%
არ შეცვლილა 2.9%