ვთვლი, რომ ყველა ადამიანს, მათ შორის, სასულიერო პირს, აქვს უფლება, გამოთქვას სამოქალაქო პოზიცია და დააფიქსიროს შეხედულება, - ამის შესახებ "ევროპული საქართველოს" წევრმა ოთარ კახიძემ განაცხადა.
მისი თქმით, ეკლესიის შიდა საქმეა, როგორ დაალაგებს საკუთარ პოლიტიკას.
„ვთვლი, რომ ყველა ადამიანს, მათ შორის, სასულიერო პირს, აქვს უფლება, გამოთქვას სამოქალაქო პოზიცია და დააფიქსიროს შეხედულება. ეს არის ფუნდამენტური პრინციპი, ამიტომ, ვერავის ავუკრძალავ აზრის გამოთქმას. ეს აზრი შეიძლება მომწონდეს, ან არ მომწონდეს. ეს სხვა საკითხია, მაგრამ კონკრეტული აზრის გამოთქმა შეუძლია სასულიერო პირსაც.
რაც შეეხება პატრიარქს, მასაც შეუძლია მღვდელმთავრებს მოუწოდოს, გამოთქვან, ან არ გამოთქვან აზრი. ეს მათი შიდა საქმეა, როგორ დაალაგებენ ეკლესიაში ამ პოლიტიკას“,- განაცხადა კახიძემ.
ცნობისთვის, ილია მეორემ წინასაარჩევნოდ სასულიერო პირებს მოუწოდა, ჩრდილს ნუ მიაყენებენ ეკლესიასა და საკუთარ თავს.
