პოლონეთის მოქალაქეებს, შესაძლოა, ტურისტული და საქმიანი მიზნებისთვის აშშ-ში ვიზიტისას, ვიზა არ დასჭირდეთ. აღნიშნული ინფორმაცია აშშ-ის პრეზიდენტმა პოლონეთის პრეზიდენტ ანჟეი დუდასთან შეხვედრისას გააჟღერა.
დონალდ ტრამპის თქმით, აშშ-ი აქტიურად განიხილავს პოლონეთთან უვიზო მიმოსვლის ამოქმედების საკითხს, რისთვისაც ყველაზე მნიშვნელოვანი პოლონეთის უსაფრთხოებაა.
გარდა ამისა, აშშ-სა და პოლონეთს შორის მიმდინარეობს მოლაპარაკება პოლონეთში ამერიკელი სამხედროების დისლოცირებასთან დაკავშირებით.