პრეზიდენტობის დამოუკიდებელმა კანდიდატმა სალომე ზურაბიშვილმა მის განცხადებებთან დაკავშირებით განმარტებები გააკეთა.
მისი თქმით, არავინ დაობს იმაზე, ვინ დაიწყო 2008 წელს ომი.
მისი განცხადებით, ომი რუსეთმა დაიწყო. მისივე თქმით, რუსეთი ოკუპანტია და ამის განხილვა არ უნდა ხდებოდეს.
"რუსეთი ოკუპანტი და აგრესორია, ეს შემიძლია უსასრულოდ გავიმეორო, მეტადრე ჩემი ქართულით ვამბობ, ამას ვამბობ დაბადებიდან. რუსეთი აგრესორი და ოკუპანტია. იყო 1801 წელს, როცა დაარღვია მეფე ერეკლეს მიერ დადებული ტრაქტატი. 1921 წელს, როდესაც დაარღვია 1920 წელს აღებული საქართველოს სუვერენიტეტი და რის გამოც ჩემი წინაპრები წამოვიდნენ საქართველოდან და მე დავიბადე საფრანგეთში. ასევე, რუსეთი აგრესორი და ოკუპანტი იყო 2008 წლიდან და წელს, როდესაც კიდევ ერთხელ დაარღვია ის, რაც შეიძლება, ყველაზე კარგად ვიცი, ყველა საერთშორისო დოკუმენტი და ხელშეკრულება, სადაც რუსეთი აღიარებდა საქართველოს ტერიტორიულ მთლიანობასა და სუვერენიტეტს“, – განაცხადა სალომე ზურაბიშვილმა.