აჭარის ფინანსთა და ეკონომიკის მინისტრი ჯაბა ფუტკარაძე ბათუმში მაღალტექნოლოგიური სამედიცინო დაწესებულების გახსნას დაესწრო.
სამედიცინო დაწესებულება ულტრათანამედროვე ტექნიკით არის აღჭურვილი და პაციენტებს 15-მდე სხვადასხვა მიმართულებით სამედიცინო მომსახურებას სთავაზობს: ემერჯენსი,ანესთეზია-რეანიმაცია,დიაგნოსტიკური დეპარტამენტი, ნევროლოგია-ნეიროქირურგია,ტრავმატოლოგია და სხვა.
140 საწოლზე გათვლილი მაღალტექნოლოგიური ჰოსპიტალი აჭარის მთავრობის თავმჯდომარემ თორნიკე რიჟვაძემ აჭარის მინისტრთა კაბინეტის წევრებთან და ქალაქ ბათუმის მერთან ერთად დაათვალიერა.