პრეზიდენტის სასახლე უნდა დარჩეს სახელმწიფო მნიშვნელობის შენობად, – ამის შესახებ პრეზიდენტობის კანდიდატმა სალომე ზურაბიშვილმა განაცხადა.
მისი თქმით, პრეზიდენტის ავლაბრის სასახლე შესაძლოა იყოს პროტოკოლის სახლი, ან უცხოელი სტუმრების მიღების ადგილი.
„რადგან აშენებულია სასახლე, უნდა დარჩეს სახელმწიფო მნიშვნელობის შენობად, მაგრამ ვთვლი, რომ ორბელიანების სასახლე არის სრულიად შესაფერისი პრეზიდენტისთვის. რაც შეეხება ახლანდელ სასახლეს, შესაძლოა, ის იყოს უცხოელი სტუმრების მიღების, ან პროტოკოლის სახლი“, - განაცხადა პრეზიდენტობის დამოუკიდებელმა კანდიდატმა.
ცნობისთვის, დამოუკიდებელმა საპრეზიდენტო კანდიდატმა სალომე ზურაბიშვილმა საარჩევნო კამპანია დღეს ოფიციალურად დიდი ჯიხაიშიდან დაიწყო.