მიმდინარე წლის ივლისში საქართველოში ბენზინისა და დიზელის საწვავის იმპორტმა 109,0 ათასი ტონა შეადგინა, რაც 22,1 ათასი ტონით აღემატება ივნისის მაჩვენებელს და 10,4 ათასი ტონით ნაკლებია გასული წლის ივლისის მაჩვენებელთან შედარებით.
მათ შორის, 2018 წლის ივლისში ბენზინის საწვავის იმპორტმა შეადგინა 48,3 ათასი ტონა (მატება წინა თვის მაჩვენებელთან შედარებით 0,2 ათასი ტონით), ხოლო დიზელის საწვავის იმპორტმა - 60,7 ათასი ტონა (მატება 21,9 ათასი ტონით).
სულ მიმდინარე წლის იანვარ-ივლისის განმავლობაში საქართველოშინავთობპროდუქტების (ბენზინი და დიზელის საწვავი) იმპორტმა შეადგინა 625,8 ათასი ტონა, რაც 49,7 ათასი ტონით აღემატება გასული წლის ანალოგიური პერიოდის მაჩვენებელს.
მათ შორის, 2018 წლის პირველი 7 თვის განმავლობაში ბენზინის საწვავის იმპორტმა შეადგინა 305,1 ათასი ტონა, ხოლო დიზელის საწვავის იმპორტმა - 320,7 ათასიტონა.
საწვავის კატეგორიების მიხედვით, 2018 წლის ივლისში საქართველოშიბენზინის საწვავის იმპორტმა შეადგინა: A-91 რეგულარი მარკის ბენზინი - 30,5 ათასი ტონა ანუ 63,2%; A-95 პრემიუმი მარკის ბენზინი - 15,9 ათასი ტონა ანუ 32,9%, A-98 სუპერი მარკის ბენზინი - 1,9 ათასი ტონა ანუ 3,9%.
საწვავის კატეგორიების მიხედვით 2018 წლის 7 თვის განმავლობაში საქართველოშიბენზინის საწვავის იმპორტმა შეადგინა: A-91 რეგულარი მარკის ბენზინი - 212,5 ათასი ტონა ანუ 69,6%; A-95 პრემიუმი მარკის ბენზინი - 86,9 ათასი ტონა ანუ 28,5%, A-98 სუპერი მარკის ბენზინი - 5,7 ათასი ტონა ანუ 1,9%.
ქვეყნების მიხედვით 2018 წლის ივლისში ბენზინისა და დიზელის საწვავის იმპორტის ყველაზე დიდი მოცულობა განხორციელდა რუმინეთიდან - 34,3 ათასიტონა, რაც მთელი იმპორტის 31,5%-ს შეადგენს. შემდეგ მოდიან: აზერბაიჯანი - 19,4 ათასი ტონა (17,8%), რუსეთი - 16,5 ათასი ტონა (15,1%), ბულგარეთი - 15,2 ათასი ტონა (13,9 %); თურქმენეთი - 14,0 ათასი ტონა (12,8%); საბერძნეთი - 9,6 ათასი ტონა (8,8%);
ქვეყნების მიხედვით 2018 წლის პირველი 7 თვის განმავლობაში ბენზინისა დადიზელის საწვავის იმპორტის ყველაზე დიდი მოცულობა განხორციელდა რუმინეთიდან - 162,5 ათასი ტონა, რაც მთელი იმპორტის 26,0%-ს შეადგენს. შემდეგ მოდიან: რუსეთი - 160,1 ათასი ტონა (25,6%); თურქმენეთი - 105,8 ათასი ტონა (16,9%); აზერბაიჯანი - 93,1 ათასი ტონა (14,9%), ბულგარეთი - 66,3 ათასი ტონა (10,6%); საბერძნეთი - 37,8 ათასი ტონა (6,0%).