სამსონ ქუთათელაძის მკვლელობის საქმეზე მიმდინარეობდა ინტენსიური საგამოძიებო მოქმედებები. მტკიცებულებათა მოპოვების შემდეგ, მტიცებულებებზე დაყრდნობით დაკავებული იქნა გიორგი ჭანტურია, - ამის შესახებ საქმის პროკურორმა ლევან ჯალაღანიამ სხდომის დაწყებამდე რუსთავის საქალაქო სასამართლოში ჟურნალისტებს განუცხადა.
დღევანდელ სხდომაზე ბრალდების მხარე ჭანტურიასთვის აღკვეთის ღონისძიების სახით პატიმრობის შეფარდებას მოითხოვს.
"ჭანტურიას ბრალდება 9 აგვისტოს წარედგინა სსკ-ის 108-ე მუხლით, ასევე 236-ე მუხლის მე-2 და მე-3 ნაწილებით. პროკურატურამ მიმართა სასამართლოს შუამდგომლობით, რომ აღკვეთის ღინისძიების სახედ გამოყენებული იქნას პატიმრობა. საქმეზე არის როგორც მოწმეთა ჩვენებები, ასევე ღია და ფარული საგამოძიებო მოქმედებების შედეგად მოპოვებული მტკიცებულებები, რომელსაც ბრალდების მხარე სასამართლოზე გააჟღერებს და დაასაბუთებს, რომ უპირობოდ იქნას გამოყენებული პატიმრობა", - განაცხადა ჯალაღანიამ.
ცნობისთვის, გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით რამდენიმე დღის წინ დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.