აშშ-ის ფინანსთა მინისტრმა სტივენ მნუჩინმა განაცხადა, რომ ამერიკის ხელისუფლება მზადაა დადოს სავაჭრო შეთანხმება ჩინეთთან, პეკინის სავაჭრო პოლიტიკის შეცვლის შემთხვევაში.
მნუჩინმა განაცხადა, რომ აშშ-ს ჩინეთისგან სურს „წესებით თამაში“ ანუ „ერთობლივი საწარმოების ტექნოლოგიების იძულებითი გადაცემის არარსებობა და ბაზარზე ჩვენი კომპანიების შესაძლებლობებს ქონდეთ ჯანსაღი კონკურენცია“. წერს Reuters-ი.
მინისტრმა დასძინა, რომ აშშ-ს სურს შეამოწმოს ჩინეთის ქმედება იუანის შესუსტებასთან დაკავშირებით, რადგან ეს პეკინს უქმნის „უსამართლო უპირატესობას"
მანამდე, აშშ-ის პრეზიდენტმა დონალდ ტრამპმა დაადანაშაულა ჩინეთი და ევროკავშირი ვალუტის მანიპულაციაში. პეკინმა გააფრთხილა გლობალურ ეკონომიკაში ვაჭრობის ომის შედეგებზე
შეგახსენებთ, რომ აშშ-მ ჩინეთს გადასახადები დაუწესა, რასაც ჩინეთის მხრიდან მოყვა საპასუხო ზომები. რის შემდეგაც ამერიკა ჩინეთს ახალი გადასახადებით დაემუქრა. ჩინეთი კვლავ დაპირდა კონტრზომების განხორციელებას.