არსებობს მთელი რიგი მტკიცებულებები, მოწმეთა ჩვენებები, აუდიოჩანაწერები, რომელიც მიუთითებს იმაზე, რომ კონკრეტულმა პირმა შეცვალა ჩვენებები და შესაბამისად, შეგნებულად, გაცნობიერებულად, არასწორი ინფორმაცია მიაწოდა როგორც გამოძიებას, ისევე სასამართლოს, - ამის შესახებ ხორავას ქუჩაზე მოზარდების მკვლელობის საქმესთან დაკავშირებით ცრუ ჩვენების ბრალდებით დაკავებული არასრულწლოვანის საქმის პროკურორმა თორნიკე ნადირაძემ ჟურნალისტებს განუცხადა.
როგორც ის განმარტავს, დაკავებული არასრულწლოვნის, დ.ღ.-ს მიმალვის და მოწმეებზე ზემოქმედების საფრთხე არსებობდა, რის გამოც, პროკურატურამ მისთვის პატიმრობს შეფრადება მოითხოვა.
"ბრალდების მხარემ სასამართლოს შუამდგომლობით მიმართა აღკვეთის ღონისძიების სახით პატიმრობის გამოყენების თაობაზე. არსებობდა რეალური, დასაბუთებული საფუძველი იმასთან დაკავშირებით, რომ ბრალებული მიემალებოდა გამოძიებას, ასევე მართლმსაჯულების განხორციელებას შეუშლიდა ხელს. ამასთან არსებობდა მოწმეებზე, ზემოქმედების და მტკიცებულებათა განადგურების, ახალი დანაშაულის ჩადენის საფრთხე. მთელი ეს არგუმენტები, რომელიც სასამართლო პროცესზე იყო გაცხადებული, სასამართლომ სრულად გაიზიარა.
დაცვის მხარემაც ჩამოაყალიბა საკუთარი პოზიცია და საბოლოო ჯამში, სასამართლო მივიდა იმ გადაწყვეტილებამდე, რომ სრულად გაიზიარა, ბრალდების პოზიციები და აღკვეთის ღონისძიების სახით, ბრალდებულს პატიმრობა შეუფარდა. არსებობს მთელი რიგი მტკიცებულებები, მოწმეთა ჩვენებები, აუდიოჩანაწერები, რომელიც მიუთითებს იმაზე, რომ კონკრეტულმა პირმა შეცვალა ჩვენებები და შესაბამისად, შეგნებულად, გაცნობიერებულად, არასწორი ინფორმაცია მიაწოდა როგორც გამოძიებას, ისევე სასამართლოს", - განაცხადა ნადირაძემ.