აშშ-ს პრეზიდენტმა დონალდ ტრამპმა Fox News-თან ინტერვიუში განაცხადა, რომ ნატო-ს ახალმა წევრმა შესაძლოა ალიანსი მესამე მსოფლიო ომში ჩაითრიოს.
ინტერვიუს დროს, ტრამპმა მონტენეგროს მოსახლეობა აგრესიულობაში დაადანაშაულა. მისი თქმით, მონტენეგრო - ეს პატარა ქვეყანაა „ძალზე აგრესიული ხალხით. ისინი შეიძლება გაბრაზდნენ და გილოცავთ - თქვენ გაქვთ მესამე მსოფლიო ომი“ - განაცხადა დონალდ ტრამპმა.
გარდა ამისა, ტრამპმა ეჭვქვეშ დააყენა ჩრდილოატლანტიკური ხელშეკრულების მეხუთე მუხლში ნატო-ს წევრი ქვეყნების კოლექტიური დაცვის აუცილებლობა.
მისი აზრით, აშშ-ის ჯარებმა არ უნდა დაიცვან მონტენეგრო, იმიტომ რომ "ეს უსამართლობაა. ისინი არც კი იხდიან“. ამასთან მან აღიარა, რომ ალიანსის ფარგლებში მან უნდა დაიცვას მონტენეგრო სამხედრო კონფლიქტის შემთხვევაში.
ცნობისთვის, მონტენეგრო ოფიციაურად გახდა ნატოს 29-ე წევრი ქვეყანა 2017 წლის ივნისში.