თარიღი    დრო

დიდი იმედი მაქვს, ბატონო მამუკა, რომ უმრავლესობის წევრებმა ვერ გაგტეხეს - გიგა ბოკერია

საქართველო, თბილისი - 15:04 07.14.2018 213

ძალიან ვნანობ, რომ გუშინ არ ვუყურე უმრავლესობის შეხვედრას თქვენთან. როგორც ჩანს, იქ რაღაც საოცრება მოხდა, - ამის შესახებ საპარლამენტო უმცირესობის წევრმა გიგა ბოკერიამ პარლამენტის რიგგარეშე სხდომაზე განაცხადა, სადაც პრემიერ-მინისტრსა და მინისტრობის კანდიდატებს უსმენენ.

"კი ვიცი, რომ მწვავე დისკუსიაა ხოლმე თქვენს შორის, მაგრამ გუშინ როგორც ჩანს, ძალიან სერიოზული დისკუსია იყო და დიდი იმედი მაქვს, რომ ბატონო მამუკა, თქვენ ვერ გაგტეხეს უმრავლესობის წევრებმა და თქვენ კვლავ თანახმა იქნებით, რომ პარლამენტში იაროთ რეგულარულად, თვეში ერთხელ მაინც, როგორც ჩვენთან შეხვედრისას იყავით მზად და არც ფრაქციებთან შეხვედრაზე არ გექნებათა არანაირი პრობლემა“, - განაცხადა ბოკერიამ.

როგორც ბოკერიამ განაცხადა, მას იმედი აქვს, რომ უმცირესობასთან შეხვედრაზე, მამუკა ბახტაძის მიერ გაჟღერებული პირობა, პარლამენტში რეგულარულ სიარულთან დაკავშირებით ძალაში რჩება.

„როგორც ჩანს, ამ შეხვედრაზე ასევე მართლა თქვით კონკრეტული რაღაცები, რადგან იქამდე ვერც კომიტეტზე და ვერც ჩვენთან შეხვედრაზე ვერ გათქმევინეთ ეს გრანდიოზული განათლების რეფორმა კერძოდ რა არის. იქნებ კითხვაზე პასუხისას კონკრეტულად გვითხრათ, სადღეგრძელოსა და ლოზუნგის გარეშე, კერძოდ, რას აპირებთ, მაგალითად, განათლების რეფორმაში, რა კონკრეტული ნაბიჯები იქნება. მე პირადად და ჩვენს თანამოაზრეებს ეს თქვენი აქტივიზმი ძალიან გვაშინებს, რადგან როგორც წესი, ეს დაკავშირებულია კონკურენციაში ჩარევასთან, ამიტომ გვითხარით რამდენად ჩარევას აპირებთ, რის გაფუჭებას აპირებთ?! ვაუჩერული სისტემის კიდევ უფრო შევიწროვებას აპირებთ თუ არა? გვინდა ვიცოდეთ რამდენად შევშფოთდეთ და რამდენად წინააღმდეგობა უნდა გაგიწიოთ ამაში?“ - განაცხადა გიგა ბოკერიამ




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.9%
შემცირდა 11.3%
არ შეცვლილა 2.8%