აშშ-ის პრეზიდენტმა დონალდ ტრამპმა განაცხადა, რომ ბრიუსელში, ნატოს სამიტის ფარგლებში ალიანსმა მიიღო გადაწყვეტილება გაზარდოს თავდაცვის ხარჯები. იუწყება სააგენტო Reuters-ი. მან ამ შემთხვევას უპრეცენდენტო უწოდა.
„ნატო ახლა ბევრად უფრო ძლიერია ვიდრე იყო ორი დღის წინ“ - განაცხადა დონალდ ტრამპმა.
მან ნატოს წევრი ქვეყნების ლიდერებთან შეხვედრას "ფანტასტიკური" უწოდა და ხაზი გაუსვა მათ "კოლეგიურ სულს“.
მანამდე ცნობილი გახდა, რომ ტრამპმა დახურული სხდომის დროს კიდევ ერთხელ გააკრიტიკა ნატოს წევრი ქვეყნები თავდაცვის არასაკმარისი ხარჯების და ევროპის სავაჭრო პოლიტიკის გამო. ტრამპმა twitter-ზე განაცხადა, რომ ნატოს წევრმა ქვეყნებმა დაუყონებლივ უნდა გაზარდონ უსაფრთხოების ხარჯები მთლიანი შიდა პროდუქტის 2%-მდე.
