თარიღი    დრო

დასახელდა ქვეყნები სადაც ტურისტები მათი გადაჭარბებული რაოდენობის გამო არ უხარიათ

საქართველო, თბილისი - 16:41 06.30.2018 661

რიგ ქვეყნებში მომატებულ ტურისტულ ნაკადთან ერთად დაინერგა სახელი „overtourism“, რაც ადგილობრივ მოსახლეობასთან მიმართებაში ბევრად დიდ ტურისტულ მაჩვენებელს გულისხმობს. 

ზოგიერთ ქვეყანაში ტურისტებს აეროპორტშივე ხვდებიან ტრანსპარანტებით - „დაბრუნდით სახლებში“ ან უარს ამბობენ მათ მომსახურებაზე.

მომსახურების სერვისის ექსპერტებმა შეისწავლეს საკანონმდებლო ინიციატივა და შეადგინეს ადგილები, სადაც ტურისტები „არ უხარიათ“. სიის პირველ ადგილს იკავებს ვენეცია. 

გასულ წელს ქალაქი, რომლის ადგილობრივი მოსახლეობა 633 ათასს შეადგენს, მოინახულა 5,3 მილიონმა ტურისტმა. შედეგად ქალაქის მუნიციპალიტეტმა დააწესა შემდეგი ჯარიმები - 500 ევრო ნარჩენის ქუჩაში დაგდებისთვის, არხებში ბანაობისა და ველოსიპედით სეირნობისთვის. ასევე გეგმავს შეზღუდოს ტურისტული ლაინერების რაოდენობა, რომლებიც ლაგუნაში შედიან.  

მეორე ადგილზეა ბარსელონა. ანტიტურისტული აქციები მიმდინარეობს ბარსელონაშიც. გასული წლის აგვისტოს თვეში უცნობი ადამიანებისგან შემდგარმა ჯგუფმა გააჩერა ავტობუსი. ერთ-ერთი მათგანი მძღოლს დანით დაემუქრა და მგზავრებს მიმართა - „ჩვენ თქვენი მოსვლა არ გვიხარია. დაბრუნდით სახლებში“. ასევე გავრცელდა ვიდეო, სადაც მემარცხენე რადიკალების წევრები სილიკონის და სკრეპების საშუალებით სიმბოლურად ლუქავენ ჰოსტელების და ტურისტული ოფისების საკეტებს.

ადგილობრივი მოსახლეობის განცხადებით, ტურისტების ნაკადი ზრდის ქვეყანაში დაწესებულ ფასებს საცხოვრებელსა და საკვებ პროდუქტებზე, რაც იწვევს კრიმინალის ზრდას.

ჰოლანდიის მთავრობამ აკრძალა ალკოჰოლური სასმელები და ნარკოტიკები წითელი ფარნების კვარტალში. ხოლო ტურისტულ ჯგუფებს რომელიც 5 ადამიანზე მეტი წევრისგან შედგება აეკრძალათ მეძავებისთის ყურება, წინააღმდეგ შემთხვევაში გიდებს უწერენ ჯარიმას 190-დან 950 ევრომდე.

სიაში შევიდა ასევე დუბროვნიკი და სანტორინი. მათმა მმართველობამ ტურისტების რაოდენობა დღეში 8 ათასამდე შეზღუდა.  

მილანში სელფის ჯოხები, სასმელები შუშის ჭურჭელში და საკვების მოძრავი ვაგონები შეზღუდეს.

იბიცა და მაიორკას ადგილობრივმა ხელისუფლებამ ამ წლის მაისის თვიდან ტურისრული გადასახადი ორჯერ გაზარდა

ბორაკაი - ფილიპინების კუნძული დახურეს ტურისტებისთვის აპრილის თვის ბოლოდან 6 თვის ვადით, მისი ძლიერი დაბინძურების გამო.

მაჩუ პუკჩუზე ისტორიული და ბუნებრივი ობიექტების დაცვის მიზნით, გასულ წელს შეზღუდეს მისი მონახულების რაოდენობა და დააწესეს ტურისტული გადასახადი 30 დოლარის ოდენობით.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%