სირიას საკმარისი ძალა აქვს თავისი ქვეყნის აღსადგენად და დასავლეთის ქვეყნები ამ პროცესში არ მიიღებენ მონაწილეობას. განაცხადა სირიის ლიდერმა ბაშარ ასადმა პირდაპირი ეთერით გამოსვლისას.
"მიუხედავად იმისა, რომ ომი მიმდინარეობს, ჩვენ საკმარისი ძალები გაგვაჩნია, რათა აღვადგინოთ ქვეყანა და ჩვენ ამაში დარწმუნებულები ვართ“.
მან ხაზი გაუსვა, რომ დასავლელი პოლიტიკოსების განცხადებები, რომ ისინი "ცენტსაც არ გადაიხდიან სირიის აღდგენაში, ვიდრე ასადი არის ხელისუფლების სათავეში“ - ეს „საუკეთესო განცხადებაა დასავლეთის მხრიდან სირიის ომის მთელი ისტორიის მანძილზე“.
"საუკეთესო, იმიტომ რომ ისინი არ იქნებიან სირიის აღდგენის ნაწილი. ჩვენ არ მივცემთ მათ ამის გაკეთების საშუალებას" - ხაზი გაუსვა ასადმა და დასძინა რომ „ჩვენ დასავლეთი არ გვჭირდება“.
"დასავლეთი შორსაა იმ გაგებისგან თუ რა არის „სამართლიანობა“. ისინი არაფერს იძლევიან, მხოლოდ გვართმევენ“ - განაცხადა სირიის ლიდერმა.
„რუსეთი თამაშობს მნიშვბნელოვან როლს მსოფლიოში ბალანსის აღდგენისთვის, რომელიც იქნა დაკარგული საბჭოთა კავშირის დაშლის შემდეგ. ბალანსის აღდგენისთვის აუცილებელია რუსული სამხედრო და პოლიტიკური ყოფნა სირიაში, ახლო აღმოსავლეთსა და მსოფოლიოს სხვა ნაწილებში“ - დასძინა მან.