იტალიის ხელისუფლებამ აუკრძალა თავის მაშველებს, მიიღონ დევნილების გემებისა და ნავების გადარჩენის ოპერაციებში მონაწილეობა, მიუხედავად მიღებული სამაშველო სიგნალებისა წერს "The Independent".
იტალიის ხელისუფლების განცხადებით, ხმელთაშუა ზღვაში დევნილების გემები იძლევიან სამაშველო სიგნალებს ლიბიის ტერიტორიული წყლებიდან. შესაბამისად, მათი შველა ლიბიის პასუხისმგებლობაში შედის.
მანამდე, იტალიამ აუკრძალა მაშველებს ლტოლვილებით სავსე გემების იტალიის პორტში შესვლა. რის გამოც ზოგიერთი გემი იძულებული გახდა ესპანეთის სანაპიროებისკენ გაეცურა. მოგვიანებით, იტალიის საგარეო საქმეთა მინისტრმა მატეო სალვინიმ განაცხადა, რომ ლტოლვილები ვეღარ მოხვდებოდნენ ქვეყანაში ზღვის გავლით.
გარდა ამისა, იტალია დაიმუქრა, რომ შეწყვეტს შემოწირულობების შეტანას ევროკავშირში, თუკი ის არ გადახედავს კონტინენტზე ლტოლვილების გადაადგილების გზების საკითხს.
