არის კითხვები, რომლებზეც პასუხები საქმის მასალებიდან არ ჩანს და ჩვენ დღეს უნდა მივიღოთ ეს პასუხები შსს-დან და პროკურატურიდან, - ამის შესახებ მოზარდების მკვლელობის საქმის შემსწავლელი დროებითი საგამოძიებო კომისიის თავმჯდომარე სერგი კაპანაძემ განაცხადა.
მისი თქმით, კითხვები ეხება ძირითადად იმას, თუ როგორ მიმდინარეობდა საქმის გამოძიება.
“დღეს კომისიაზე დაბარებული არიან შსს-ს და პროკურატურის წარმომადგენლები, რომლებიც ხორავას ქუჩის საქმეში არიან პირველივე დღიდან. ჩვენ მათთან გვაქვს კითხვები. კითხვები ეხება ძირითადად იმას, თუ როგორ მიმდინარეობდა საქმის გამოძიება. ჩვენ გვაინტერესებს, რა საგამოძიებო მოქმედებები იყო ჩატარებული, რა დროში, როგორ? იმედი გვაქვს, ამ კითხვებზე იქნება დამაკმაყოფილებელი პასუხები, იმიტომ რომ კითხვები არის ბევრი. საქმის მასალებიდან ჩანს, რომ რაღაც კითხვებზე პასუხები საქმის მასალებიდან არ არის და ჩვენ დღეს უნდა მივიღოთ ეს პასუხები შს სამინისტროდან და პროკურატურიდან“, - განაცხადა სერგი კაპანაძემ.