თარიღი    დრო

მკვლელებზე რომ გავიდეთ, პროკურორებიდან და გამომძიებლებიდან უნდა დაივიწყოთ, თუ ვინ რა დანაშაული ჩაიდინა - ზაზა სარალიძე

საქართველო, თბილისი - 15:28 06.22.2018 498

მკვლელებზე რომ გავიდეთ, დანაშაულებრივი წვლილის გამოკვეთა მაღალჩინოსნებიდან - პროკურორებიდან და გამომძიებლებიდან უნდა დაიწყოს, ვინ რა დანაშაული ჩაიდინა და ამ საქმის “შეკერვას” ვინ შეეცადა, - განაცხადა ხორავას ქუჩაზე მოკლული დავით სარალძის მამამ, ზაზა სარალიძემ.

მისი განმარტებით, ერთადერთი გამოსავალია, საქმის დეტალებზე ბავშვები ალაპარაკდნენ.

"ვნახოთ, რა გაირკვევა და ძიება რა კუთხით წავა. მოწმეები მოსვლასა და ინფორმაციის მიწოდებას გვერდს ვერ აუვლიან. მთავარია, სიმართლე ილაპარაკონ. იმედი რომ არ მქონდეს, ბრძოლას არ განვაგრძობდი. ჩემი აზრით, ზვიად ფხაკაძე პროკურატურაში აღარ უნდა იყოს. მის ზემდგომებს რეაგირება უნდა მოეხდინათ. დღეს ბრალდებული გ.ჯ. იკითხებაო - ამ გვარის დასახელების გამო უნდა გაეთავისუფლებინათ, დანარჩენი ბრალეულობა რაც გამოიკვეთება, ვნახოთ. მოწმეები არ არსებობს, ნივთმტკიცებულებები არ არსებობს, ე.ი. მკვლელებიც არ არსებობს. ერთადერთი გამოსავალია, რომ ეს ბავშვები ალაპარაკდნენ, მაგრამ მეეჭვება, რადგან სასამართლო პროცესზე ჩვენებები მიცემული აქვთ და განმეორებითი სხვა ჩვენება რომ
მისცენ, ყველა პასუხისგებაში იქნება მისაცემი. მკვლელებზე რომ გავიდეთ, დანაშაულებრივი წვლილის გამოკვეთა მაღალჩინოსნებიდან – პროკურორებიდან და გამომძიებლებიდან უნდა დაიწყოს, ვინ რა დანაშაული ჩაიდინა და ამ საქმის “შეკერვას” ვინ შეეცადა”, - აცხადებს სარალიძე.

როგორც მან ჟურნალისტებს განუცხადა, პარლამენტის დროებითი საგამოძიებო კომისიის სხდომაზე დღეს გადაიდგა პირველი ნაბიჯები.




Tavdacva

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.7%
შემცირდა 11.5%
არ შეცვლილა 2.9%