გერმანიის მოსახლეობას არ გააჩნია ერთიანი პოზიცია იმასთან დაკავშირებით, უნდა წავიდეს თუ არა მერკელი კანცლერის თანამდებობიდან. მათი აზრი თითქმის ორად გაიყო. რასაც გამოკითხვის შედეგები მოწმობს.
რესპოდენტების დაახლოებით 43%-ს მიიჩნია, რომ მერკელმა ჯობს დატოვოს მისი თანამდებობა, ხოლო 42%-ი მის მიმართ პოზიტიურადაა განწყობილი. ამასთან 15 %-ს გაუჭირდა პასუხის გაცემა.
გამოკითხვის შედეგების თანახმად, მერკელის მიმართ პოზიტიურად არიან განწყობილი პარტია "მწვანეთა" მომხრეები. ხოლო ყველაზე ცუდად მის მიმართ არიან განწყობილი „ალტერნატივა გერმანიისთვის“ პარტიის წარმომადგენლები. მათგან მხოლოდ 6%-ს სურს მერკელის კანცლერის თანამდებობაზე ყოფნა.
იმ გერმანელებს შორის, რომლებიც მხარს უჭერდნენ „მემარცხენეებს“ თითქმის 50% დარწმუნებულია, რომ მერკელი კარგად ართმევს თავს დაკისრებულ თანამდებობას.
ასევე გაიყო მერკელის მიმართ დამოკიდებულება ქრისტიან-დემოკრატიული კავშირისა და ქრისტიან-სოციალური კავშირის წევრებშიც. ალიანსის მომხრეთა 27%-ი მიიჩნევს, რომ მერკელი დროა წავიდეს დაკავებული თანამდებობიდან. თუმცა, ამ აზრის წინააღმდეგ გამოვიდა 63%.
გამოკითხულთა 30% შიშობს, რომ სამთავრობო კოალიცია შეიძლება დაემხოს აზრთა სხვადასხვაობის გამო, არაკანონიერი იმიგრაციის საკითხთან დაკავშირებით. თავის მხრივ 45% დარწმუნებულია, რომ გერმანიის ქრისტიან-დემოკრატიულ კავშირს, ქრისტიან-სოციალურ კავშირსა და სოციალ-დემოკრატიულ პარტიას უახლოეს მომავალში არაფერი ემუქრება.
ამასთან, გერმანიის მოსახლეობის ნახევარი ამტკიცებს, რომ სამთავრობო კოალიცია სავარაუდოდ ვერ იარსებებს მომდევნო არჩევნებამდე, რომელიც 2021 წელს უნდა ჩატარდეს.
