ვირჯინიის შტატის გუბერნატორმა რალფ ნორთამმა გასცა განკარგულება დაეწყოთ გამოკვლევა ლათონოამერიკელი ბავშვების მიმართ აბუჩად აგდების ფაქტებთან დაკავშირებით, რომლებიც შტატის ტერიტორიაზე სპეციალურ ცენტრტებში არიან მოთავსებული.
ნორთამმა განაცხადა, რომ აღშფოთებულია მსგავსი ინფორმაციით, თუმცა აღნიშნა, რომ ბავშვები თავშესაფარში ლტოლვილთა და განსახლების ფედერალური სამსახურის იურისდიქციის ქვეშ იმყოფებიან.
მან ასევე თქვა, რომ ცენტრი ნებისმიერ შემთხვევაში მიეკუთვნება ვირჯინიას, სწორედ ამიტომ მან მიმართა საზოგადო უსაფრთხოებისა და არასრულწლოვანთა იუსტიციის დეპარტამენტს, რათა ისინი დაკავდნენ ბავშვების აბუჩად ადგების ფაქტების გამოძიებით.
მაღალჩინოსანმა ხაზი გაუსვა, რომ შტატის ხელმძღვანელობა ვალდებულია უზრუნველყოს ყოველი ბავშვების უსაფრთხოება.
ცნობისთვის, აპრილში აშშ-მა გამოაცხადა "ნულოვანი ტოლერანტობა“ არაკანონიერი მიგრანტების წინააღმდეგ. ამ მომენტიდან ოჯახებს და ბავშვებს, რომლებიც არაკანონიერი გზით შემოდიან საზღვარზე, აცალკევებენ: მშობლებს ანაწილებენ იზოლატორებში, ხოლო ბავშვებს - სპეციალურ ცენტრებში.
ამერიკის ხელისუფლების ქმედებებმა გამოიწვია კრიტიკა მსოფლიო საზოგადოებისა და უფლებათადამცველი ორგანოების მხრიდან.
მაგალითად, რომის პაპმა მხარი დაუჭირა ამერიკელ ეპისკოპოსებს, რომლებიც ტრამპის მიგრაციული პოლიტიკის წინააღმდეგ გამოდიან და აცხადებენ, რომ პოპულიზმი არ წარმოადგენს პრობლემის გადაჭრის გზას.