თარიღი    დრო

როდესაც თქვენზე განაწყენება გამოვთქვი, ერთი სურვილიც არ გქონიათ, რომ შემხვედროდით - სარალიძე ბესელიას

საქართველო, თბილისი - 11:50 06.22.2018 145

იცით თქვენ, რომ ფაქტობრივად, ტელევიზიებით გვიწევს ურთიერთობა. როდესაც თქვენზე განაწყენება გამოვთქვი, ერთი სურვილიც არ გქონიათ, რომ შემხვედროდით პირადად, რომ პირადად მეთქვა, რაზე გავნაწყენდი, – ასე მიმართა ეკა ბესელიას ხორავას ქუჩაზე მოკლული დავით სარალიძის მამამ, ზაზა სარალიძემ დროებითი საგამოძიებო კომისიის სხდომაზე.

მისი თქმით, ეკა ბესელიამ და ძალიან ბევრმა ადამიანმა პირდაპირ დაადანაშაულა ის, რომ რაღაც პოლიტიკურ პარტიას მისი შვილის სულით მანიპულირების უფლება მისცა.

„ქალბატონო ეკა, ზუსტად თქვენი საუბრიდან გამომდინარე დავეტაკე ზვიად ფხაკაძეს, რაზეც ძალიან დიდი შეხლა-შემოხლა გვქონდა, რომ პოლიტიკურ ჭრილში გადაიტანეს ჩემი შვილის ვითარება და პირდაპირ დამადანაშაულა როგორც ქალბატონმა ეკამ, ასევე ძალიან ბევრმა ადამიანმა, რომ რაღაც პოლიტიკურ პარტიას მივეცი უფლება, ჩემი შვილის სულით მანიპულირებდეს, ზუსტად ამაზე მქონდა ძალიან უხეში საუბარი ზვიად ფხაკაძესთან, ეს ჩაწერილი მაქვს ტელეფონზე და როცა დაგჭირდებათ, არ არის პრობლემა, მოვიტან“, – განაცხადა ზაზა სარალიძემ.

მისივე განცხადებით, მმართველი გუნდის წარმომადგენლებთან შეხვედრას თავიდანვე ითხოვდა, თუმცა ამის სურვილი არავის გამოუთქვამს.

„იცით თქვენ, რომ ფაქტობრივად, ტელევიზიებით გვიწევს ურთიერთობა. როდესაც თქვენზე განაწყენება გამოვთქვი, ერთი სურვილიც არ გქონიათ, რომ შემხვედროდით პირადად, რომ პირადად მეთქვა, რაზე გავნაწყენდი. დღესაც, გუშინწინაც მოვუსმინე თქვენს განაცხადს. დღესაც კატეგორიული წინააღმდეგი ვარ, რომ რომელიმე პოლიტიკური პარტია ჩემი შვილის სულით მანიპულირებდეს, თუმცა კარგად ვხედავ ყველაფერს, ვიღაც-ვიღაცები რაღაცას აპირებენ, ვიღაცას რაღაც აინტერესებს.

ერთ მთავარ კითხვას დავსვამ, როდესაც მმართველ გუნდს ვეხვეწე, რომ შემხვდით და მომისმინეთ, რატომ არავინ შემხვდა. თუნდაც ბატონ გიორგი გახარიას როდესაც მივმართე ტელევიზიით, რომ შეხვედრა მინდა-მეთქი, რატომ არ შემხვდა. რატომ ფიქრობთ რომ „ნაციონალურ მოძრაობას“ მივეცი რამის უფლება. პირველ ეტაპზე პროკურორებს ვეხვეწებოდი, ძალოვან უწყებას ვეხვეწებოდი, მმართველ გუნდის წარმომადგენელია ხომ გახარია, მას ვეხვეწებოდი, შემხვდი-მეთქი, მაგრამ არაფრად ჩამაგდო. რატომ გგონიათ, რომ პოლიტიკური პარტიები დგანან ჩემ ზურგს უკან“, – აღნიშნა ზაზა სარალიძემ.




Tavdacva

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 86.2%
შემცირდა 11.1%
არ შეცვლილა 2.7%