მინდა მოვუწოდო კოლეგებს, განსაკუთრებით ოპოზიციიდან, საქმიანი და კონსტრუქციული გარემო შეინარჩუნონ განხილვების დროს, - ამის შესახებ პარლამენტის თავმჯდომარის პირველმა მოადგილემ თამარ ჩუგოშვილმა განაცხადა.
მან იმედი გამოთქვა, რომ განხილვები ეთიკურ ჩარჩოებს არ გასცდება.
„ვიწყებთ მოსმენას პოლიტიკურ ჯგუფებში, ჯერ უმრავლესობის მოსმენით და შემდგომ ოპოზიციის მოსმენით. როგორ უკვე გაკეთდა განცხადება, ფრაქციებში, უმცირესობა-უმრავლესობაში ამ პროცესს მხოლოდ პარლამენტის წევრები, ფრაქციის წევრები დაესწრებიან. გვქონდა გამოცდილება, როდესაც გარეშე პირები მონაწილეობდნენ და ამან ერთხელ უკვე საკმაოდ არასწორი მიმართულებით წაიყვანა პროცესი.
მინდა მოვუწოდო ჩემს კოლეგებს, განსაკუთრებით ოპოზიციიდან, რომ საქმიანი, კონსტრუქციული გარემო შეინარჩუნონ ამ განხილვების დროს. განსაკუთრებით ფრაქციებში განხილვების დროს და პიროვნული შეურაცხყოფებისგან თავი შეიკავონ, რომელსაც ადგილი აქვს ხოლმე ზოგიერთ შემთხვევაში“, – განაცხადა თამარ ჩუგოშვილმა.
