ევროკავშირის საბჭომ გააგრძელა შეზღუდვები „რუსეთის მიერ ყირიმისა და სევასტოპოლის უკანონო ანექსიის საპასუხოდ" 2019 წლის 23 ივნისამდე. იუწყება საბჭოს პრეს-სამსახური.
სანქციის ეს პაკეტი 2014 წლიდან ყოველწლიურად გრძელდება ერთი წლის ვადით, წინა ჯერზე შემაკავებელი ზომები გაგრძელდა 2017 წლის ივნისიდან 2018 წლის 23 ივნისამდე.
2014 წლის 23 ივნისის საკანონმდებლო აქტში ნათქვამია, რომ "2014 წლის 6 მარტს, წევრი ქვეყნების სახელმწიფოს მეთაურებმა მტკიცედ დაგმეს რუსეთის ფედერაციის მიერ უკრაინის ტერიტორიული მთლიანობის დარღვევა".
საბჭოს მიერ მიღებული გადაწყვეტილება ძალაში შედის მისი ევროკავშირის „ოფიციალურ ჟურნალში“ გამოქვეყნებისთანავე.
