აშშ-ის კონგრესის კომიტეტმა უკრაინას 2019 წლისთვის დახმარების გაზრდა, მიმდინარე წელთან შედარებით, 70 მილიონზე მეტი აშშ დოლარით შესთავაზა. იუწყება აშშ-ში უკრაინის საელჩოს პრესსამსახური.
"კომიტეტმა დაამტკიცა საკუთარი პროექტი „2019 წლის კანონი თავდაცვის სამინისტროსთვის ასიგნებების შესახებ“, სადაც იმ საშუალებებზე, რომელიც უნდა გიაცეს დახმარების სახით უკრაინის თავდაცვის სისტემისთვის, მათ შორის თავდაცვითი ხასიათის ლეტალურ იარაღზე, გათვალისწინებულია 250 მილიონი დოლარი. მოცემული თანხა 50 მილიონი დოლარით მეტია 2018 წლის მონაცემებთან შედარებით“ - ნათქვამია საელჩოს განცხადებაში რომელიც „Facebook“-ზე გამოქვეყნდა.
პრესსამსახურის მიერ შემოთავაზებული კანონპროექტის თანახმად, უკრაინისთვის დახმარება აშშ-ის საგარეო საქმეთა სამინისტროსა და მასთან დაკავშირებული უწყებების მიერ 441 მლნ აშშ დოლარს შეადგენს, რაც 2018 წელთან შედარებით 20 მილიონზე მეტია.
"აქედან გამომდინარე, თანხების საერთო რაოდენობა, რომელიც შეიძლება გაცემულ იქნას უკრაინისთვის 2019 წლის ბიუჯეტით, შეადგენს 691 მილიონ აშშ დოლარს, რაც 70 მილიონი დოლარით მეტია მიმდინარე წლის ბიუჯეტთან შედარებით“ - აცხადებენ საელჩოში.