სომხეთის პრემიერ მინისტრმა ნიკოლ ფაშინიანმა პირობა დადო, რომ საარჩევნო კოდექსში ცვლილებების მიღების შემდეგ თანამდებობას დატოვებს - იუწყება ადგილობრივი მედია.
"სექტემბრის ბოლოს, პრემიერ მინისტრი ნიკოლ ფაშინიანი გეგმავს, დანიშნოს ვადამდელი საპარლამენტო არჩევნები. ცვლილებები პარლამენტის საარჩევნო კოდექსში უახლოეს დღეებში შევა, იმის გათვალისწინებით, რომ პარლამენტი მას 15 ივლისამდე მიიღებს - პარლამენტის დასვენების ოფიციალურ დაწყებამდე“ - წერს გაზეთი „ჟამანაკი“.
"კოდექსის მიღებისთანავე ფაშინიანი თანამდებობას დატოვებს და იმისათვის, რომ არც ერთმა სხვა საპარლამენტო ფრაქციამ არ წამოაყენოს საკუთარი კანდიდატი, ფაშინიანი მიმართავს ხალხს რევოლუციის მიღწევების დაცვისთვის. ასეთი დაჩქარება გამოწვეულია იმით, რომ რევოლუციის ეიფორია ნელდება“ - წერს პობლიკაციის ავტორი.