„ის იყო არასერიოზული თავის განცხადებაში," - ასე აფასებს პარლამენტის თავმჯდომარე, ირაკლი კობახიძე, პრეზიდენტის იმ გამცხადებას, სადაც გიორგი მარგველაშვილმა პრემიერის გადადგომისა და დანიშვნის დამკვიდრებულ პრაქტიკას „მასკარადი“ უწოდა.
ირაკლი კობახიძე პრეზიდენტს აკრიტიკებს და აცხადებს, რომ მისი განცხადება არასერიოზული იყო.
„ის იყო არასერიოზული თავის განცხადებაში და არასერიოზულ განცხადებაზე, ბუნებრივია, არ შეიძლება სერიოზული კომენტარის გაკეთება. ამაზე მართლა გული მტკივა, როდესაც სახელმწიფოს მეთაური, რომელიც არის, კონსტიტუციის თანახმად, გარანტი რაღაცეების, გარანტი, მათ შორის, კონსტიტუციური სისტემის, თუნდაც სიმბოლურად, მაგრამ მაინც, არ შეიძლება, ასეთ განცხადებებს აკეთებდეს. შესაბამისად, არ მინდა დამატებითი კომენტარების გაკეთება,“ - განაცხადა ირაკლი კობახიძემ.