დამოუკიდებელი ექსპერტი, მაია ნიკოლეიშვილი ხორავას ქუჩაზე მომხდარი მკვლელობის საქმის პროკურორების მხრიდან მუქარასა და შეურაცხყოფაზე საუბრობს.
მისი განმარტებით, ერთ-ერთი პროკურორი ადვოკატის საცემად გაიწია.
"შესვენების დროს, როცა მოსამართლე გასული იყო, ჩემზე ასეთი ზეწოლა იყო პროკურატურის მხრიდან, ასევე ერთ-ერთი დაზარალებულის ოჯახის მხრიდან, თუმცა, ამაზე ვერაფერს ვიტყვი, ჭირისუფლის მესმის, ამის შემდეგ, პროკურორი ქალბატონი ინა ადვოკატ ინგა შარაშენიძის საცემად გაიწია", - განაცხადა ჟურნალისტებთან ექსპერტმა მაია ნიკოლეიშვილმა.
როგორც ის განმარტავს, პროკურორები მის მიერ გამოკვლეული ექსპერტიზის დასკვნის შედეგებით გაღიზიანდნენ.
შეგახსენებთ, რომ ექსპერტ ნიკოლეიშვილის სასამართლოში დაკითხვას მოკლულ ლევან დადუნაშვილის ოჯახის გაღიზიანება მოჰყვა. სასამართლოში დღეს სასწრაფო სამედიცინო დახმარების გამოძახებაც გახდა საჭირო.
