გამოიკვეთა, რომ აბსოლუტურად სხვა საგნით არის დაზიანებები მიყენებული. ერთ პირზე სასიკვდილო იყო ზუსტად, ის სხვა საგანი, რომელიც არცერთ ბრალდებულს არ ეკუთვნის - განაცხადა ჟურნალისტებთან ხორავას ქუჩაზე მომხდარი მკვლელობის საქმეზე ერთ-ერთი ბრალდებულის ადვოკატმა, ინგა შარაშენიძემ. მისი განმარტებით, დღევანდელ სხდომაზე გამოკვლეული კომპლექსური ექსპერტიზის დასკვნა უმნიშვნელოვანეს კითხვებზე სცემს პასუხს. "დასკვნით გამოიკვეთა, რომ ორივე გარდაცვლილზე სხვა საგნით არის ზემოქმედებები მიყენებული, სხვა ბასრი საგანია გამოყენებული, რომელზეც აქამდე არცერთ ექსპერტს არ ჰქონია საუბარი. დასკვნა ძალიან მნიშვნელოვანია და ძალიან ბევრ კითხვაზეა პასუხი გაცემული. აღნიშნულ საკითხზე ექსპერტის დაკითხვა არ დასრულებულა. საუბრობენ, თითქოს, ჩემი დაცვის ქვეშ მყოფმა არასწორი ჩვენება მისცა. ბრალდებულმა თქვა ის, რაც იყო. ბრალდებულის ჩვენება და ექსპერტიზის დასკვნა სრულ თანხვედრაშია", - განაცხადა შარაშენიძემ. ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის, დავით სარალიძისა და ლევან დადუნაშვულის სიცოცხლე ემსხვერპლა.