უკრაინის უშიშროების სამსახურმა დაბლოკა საქმიანობა იმ კომერციული ორგანიზაციებისა კიევსა და ოდესაში, რომლებიც რუსული ქალაქებისთვის ყირიმის ავიაბილეთებს ყიდდნენ.
ამის შესახებ ინფორმაციას უკრაინის უსაფრთხოების სამსახური ავრცელებს.
"უკრაინის სახელმწიფო ინტერესების სადაზვერვო დაცვის მთავარი სამმართველოს თანამშრომლებმა, ეკონომიკური უსაფრთხოების საკითხებში, დაბლოკეს არაკანონიერი ავიაბილეთების გაყიდვა, რუსეთის ტერიტორიიდან ყირიმის მიმართულებით“ - ნათქვამია განცხადებაში.
როგორც დეპარტამენტი აზუსტებს, კიევსა და ოდესაში რამდენიმე კომერციული სტრუქტურა ყიდდა ბილეთებს „სიმფეროპოლის“ აეროპორტში და უკანა მიმართულებით რუსულ ავიაკომპანიებზე. მათ შორის იმ კომპანიებზეც, რომლებიც კიევის სანქციების სიაშია შეყვანილი.
სამართალდამცავებმა ჩაატარეს ჩხრეკა და აღმოაჩინეს დოკუმენტები, რომელიც ამტკიცებდა ავიაბილეთების გაყიდვის ფაქტს. ასევე ამოიღეს „რუსული ავიაკომპანიის ანგარიშზე ფულის გადარიცხვის დამამტკიცებელი დოკუმენტები“.