თბილისის საქალაქო სასმართლოში ხორავას ქუჩაზე მოზარდების მკვლელობის საქმეზე ექსპერტებს, მაია ნიკოლეიშვილსა და ომარ ჯოხაძეს დაკითხავენ.
პროცესის დაწყებამდე ექსპერტებმა ჟურნალისტებთან კომენტარები გააკეთეს, თუმცა, დეტალებზე გაუთქმელობის ხელწერილიდან გამომდინარე, ვერ საუბრობენ.
"გაუთქმელობის ხელწერილი მაქვს დადებული, ამას გარდა, დაკითხვამდე ვერანაირ ინფორმაციას გავცემ დასკვნასთან დაკავშირებით. ვერც დაკითხვის შემდეგ გეტყვით რამეს, რადგან გაუთქმელობაზე მაქვს ხელი მოწერილი.
რამდენად მნიშვნელოვანი დასკვნაა, ეს სასამართლოს გადასაწყვეტია, ექსპერტის დასკვნა არ არის სავალდებულო, ის ფასდება სხვა მტკიცებულებებთან ერთად. პროფესიულად ჩემთვის ძალიან საინტერესო იყო მუშაობა. ტანსაცმელი, საქმის მასალები გამოვიკვლიეთ", - აცხადებს მაია ნიკოლეიშვილი.
ცნობისთვის, პირველ დეკემბერს, ხორავას ქუჩაზე მოზარდებს შორის სისხლიან გარჩევას, ორი არასრულწლოვნის, დავით სარალიძისა და ლევან დადუნაშვილის სიცოცხლე ემსხვერპლა.