საფრანგეთი არ დაიწყებს სანქციურ ომს აშშ-სთან ირანის გამო. ჩვენ არ შემოვიღებთ სანქციებს აშშ-ის კომპანიების წინააღმდეგ, ამას არანაირი აზრი არ აქვს - განაცხადა საფრანგეთის პრეზიდენტმა, ემანუელ მაკრონმა.
"ჩვენ არ მოვაწყობთ სავაჭრო ომს სანქციებით აშშ-სთან. ჩვენ არ შემოვიღებთ საპასუხო სანქციებს ან კონტრსანქციებს ამერიკული კომპანიების წინააღმდეგ. ამას არანაირი აზრი არ აქვს“ - განაცხადა მაკრონმა, დღეს სოფიაში გამართულ პრესკონფერენციაზე სიტყვით გამოსვლისას.
ცნობისთვის, აშშ-ის პრეზიდენტმა დონალდ ტრამპმა, 8 მაისს ირანის ბირთვული პროგრამის ისტორიული მრავალმხრივი შეთანხმებიდან გასვლის თაობაზე განაცხადა.
