"ნუ მოკლავ - აღასრულე სამართალი", - ხორავას ქუჩაზე მოკლული დავით სარალიძის მამა, ზაზა სარალიძე აქციებისთვის ემზადება.
სამშაბათს, 24 აპრილს, 11:00 საათზე, თბილისის საქალაქო სასმართლოს ეზოში აღნიშნული საქმის პროცესის პარალელურად, აქცია გაიმართება.
ზაზა სარალიძე თვლის, რომ ხორავას ქუჩაზე მომხდარი მკვლელობის საქმეზე გამოძიება არასწორი მიმართულებით მიმდინარეობს და იკვეთება დამნაშავეებზე ხელის დაფარების ნიშნები. მისი განმარტებით, სისხლის სამართლის პასუხისგებაში არ ეძლევიან მისი შვილისა და ლევან დადუნაშვილის მკვლელობაში მონაწილე სხვა პირებიც, რადგან მათ ხელს პროკურატურა აფარებს.
როგორც დაზარალებული სარალიძე აღნიშნავს, პროკურატურა არამხოლოდ დამნაშავეებს აფარებს ხელს, არამედ მოწმეებზეც ახდენს ზეწოლას. სარალიძეს საქმისთვის პოლიტიკური ელფერის შეძენაში ადანაშაულებენ.
ცნობისთვის, ხორავას ქუჩაზე სისხლიან გარჩევას პირველ დეკემბერს, ორი მოზარდის სიცოცხლე შეეწირა.