თარიღი    დრო

დედაენის ოლიმპიადაში მონაწილეობა ქართველების გარდა, რვა სხვადასხვა ეროვნების მოსწავლეებმა მიიღეს

საქართველო, თბილისი - 11:21 04.22.2018 603

28 აპრილს დედაქალაქი დედაენის ოლიმპიადის დასკვნით ღონისძიებას უმასპინძლებს. ოლიმპიადა წელს მეთერთმეტედ ტარდება და მასში მონაწილეობას ასობით ქართველი და უცხოელი მონაწილე იღებს.  ოლიმპიადა სამ ქალაქში: თბილისში,  რუსთავსა  და  ქუთაისში ჩატარდა და ფინალურ ეტაპზე საუკეთესო მონაწილეები გამოვლინდნენ, რომელთა შორის არაქართულენოვანი მონაწილეებიც არიან.

წელს პროექტში მონაწილეობას I-VI კლასის, 2000-მდე მოსწავლე მონაწილეობდა. აქედან ნახევარი  არაქართულენოვანი მოსწავლე გახლდათ, რომლებმაც ქართული ენის განსაკუთრებული ცოდნა და სიყვარული გამოავლინეს. დასკვნით, ფინალურ ღონისძიებაზე გამარჯვებულები შემდეგ ნომინაციაში დაჯილდოვდებიან: ,,საუკეთესო კალიგრაფი,“ ,,მხატვრული კითხვის ოსტატი“ და ,,საუკეთესო მუსიკალური“  ნომერი. 

ოლიმპიადაში ქართველი მოსწავლეების გარდა, 8 ეროვნების 12 წლამდე ასაკის მოსწავლეები მონაწილეობდნენ ქვეყნის მასშტაბით. 

სკოლა-ლიცეუმ „სხივის“ ინფორმაციით, პროექტი, რომელსაც საფუძველი 2007 წელს ჩაეყარა, მიზნად ისახავს ქართველ და არაქართულენოვან მოსწავლეებში ქართული ენისადმი ინტერესის  გაზრდა და გაღრმავებას, მათში წერითი და ზეპირი მეტყველების კულტურის გამომუშავებას, კითხვისა და წიგნიერებისადმი ინტერესის გაძლიერებას; ქართული ენის მუსიკალურობის აღქმას. კონკურსის მიზანია ნიჭიერი მოსწავლეების გამოვლენა, წახალისება, მოტივირება და შემდგომში მათი ხელშეწყობა.

ოლიმპიადა სკოლა-ლიცეუმ „სხივის“ ორგანიზებით ტარდება. პროექტის მხარდამჭერია საქართველოს განათლებისა და მეცნიერების  სამინისტრო  და  საქართველოს  ხელნაწერთა ეროვნული  ცენტრი.




Tavdacva

ყველა სიახლის ნახვა...

sazogadoeba

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა



arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.8%
შემცირდა 11.4%
არ შეცვლილა 2.8%