საქართველოს პარლამენტის თავმჯდომარე ირაკლი კობახიძე და მისი პირველი მოადგილე თამარ ჩუგოშვილი არასამთავრობო ორგანიზაციების წარმომადგენლებს შეხვდნენ.
როგორც პარლამენტის საზოგადოებასთან ურთიერთობისა და ინფორმაციის დეპარტამენტიდან „ჯი-ეიჩ-ენს“ აცნობეს, შეხვედრაზე სასამართლო რეფორმისა და რეფორმის პროცესის მიმდინარეობის შესახებ იმსჯელეს.
საუბარი, ასევე, პოლიტიკური პარტიების დაფინანსების საკითხს შეეხო.
პარლამენტის თავმჯდომარემ კანონშემოქმედებით პროცესში არასამთავრობო ორგანიზაციების აქტიური ჩართულობის მნიშვნელობას გაუსვა ხაზი.
მხარეებმა თანამშრომლობისთვის მზადყოფნა დაადასტურეს.
