თარიღი    დრო

პროკურატურა პირდაპირ მაყრის თვალებში ნაცარს, მაფურთხებენ სახეში - ზაზა სარალიძე

საქართველო, თბილისი - 17:15 04.19.2018 241

პროკურატურა პირდაპირ მაყრის თვალებში ნაცარს, ასე რომ ვთქვათ, მაფურთხებენ სახეში. არ დავუშვებ, რომ ეს საქმე ასე დარჩეს! დამიჭერენ? დამიჭირონ! მომკლავენ? მომკლან! ვიღაც მაინც გამოჩნდება რომ ეს საქმე გააგრძელოს, ვიღაც მაინც მიიყვანს ამ საქმეს ბოლომდე და იმ ორ პიროვნებას სააშკარაოზე გამოიყვანს. თვითონ არ გამოიყვანენ? მე გამოვიყვან კანონით თუ უკანონოდ!,- განაცხადა ჟურნალისტებთან ხორავას ქუჩაზე მოკლული დავით სარალიძის მამამ, ზაზა სარალიძემ

ის დარწმუნებულია, რომ მკვლელობის საქმეში ორი დაკავებულის გარდა, კიდევ ორი პირია დამნაშავე, ის მათ ვინაობას პირდაპირ ამხელს. 

"მ.კ.- გარდა, გ.მ.-ც არის. გ.მ. ამ ინციდენტის დროს დაიჭრა. ვინ დაჭრა, როგორ დაიჭრა კაცმა არ იცის. მისი დაკითხვის დასრულების დღესვე დადეს ექსპერტის ცნობა, რომ გ.მ-ს ტანსაცმელზე აღმოჩნდა ჩემი შვილის სისხლი, რამაც გამოიწვია ძალიან ბევრი კითხვა.სამწუხაროდ ამ კითხვებს მას ვეღარავინ დაუსვამს, რადგან მისი დაკითხვის პროცესი დასრულებულია. ეჭვს ისიც მიმყარებს, რომ გ.მ.-ის დაკითხვის შემდეგ დაიდო ექსპერტიზის ცნობა, რომ მის ტანსაცმელზე აღმოჩნდა ჩემი შვილის სისხლი, არადა პროცესზე განაცხადა რომ ჩემს შვილთან შეხება არ ჰქონია. საიდან აღმოჩნდა ეს სისხლი მის ტანსაცმელზე?",- აცხადებს სარალიძე. 

ის დღევანდელ სხდომას არ ესწრება. 

პროცესზე ამ წუთებში სამედიცინო ექსპერტებს კითხავენ.




Tavdacva

ყველა სიახლის ნახვა...

sporti

ყველა სიახლის ნახვა...

komentari

ყველა სიახლის ნახვა...

dRis siaxleebi

ყველა სიახლის ნახვა

სარეკლამო ბანერი (250px)


arqivi


ბოლო სამი წლის განმავლობაში თქვენი პირადი შემოსავლები
გაიზარდა 85.5%
შემცირდა 11.6%
არ შეცვლილა 2.8%